គណបក្សសម្ព័ន្ធដើម្បីប្រជាធិបតេយ្យ (គសប)

Thursday, December 4, 2025

ប្រទេសកម្ពុជាត្រូវបានចាត់ទុកថាជាប្រទេសដែលមាន "សំណាងខាងភូមិសាស្ត្រ"

7:34 PM Vann Sak

ប្រទេសកម្ពុជាត្រូវបានចាត់ទុកថាជាប្រទេសដែលមាន "សំណាងខាងភូមិសាស្ត្រ" មួយនៅក្នុងតំបន់អាស៊ីអាគ្នេយ៍។ សណ្ឋានដី និងទីតាំងនៅលើផែនទីនៃប្រទេសនេះ បានផ្តល់នូវការការពារពីគ្រោះធម្មជាតិធំៗជាច្រើនដែលប្រទេសជិតខាងតែងតែជួបប្រទះ៖

១. មិនស្ថិតនៅក្នុង "ខ្សែក្រវាត់ភ្លើង" (Ring of Fire)

• ការការពារពីការរញ្ជួយដី និងភ្នំភ្លើង៖ ផែនទីកម្ពុជាស្ថិតនៅលើផ្ទាំងតិចតូនិច (Tectonic Plate) ដែលមានស្ថិរភាពមួយឈ្មោះថា "Sunda Plate"។ នេះមានន័យថា កម្ពុជាស្ថិតនៅឆ្ងាយពីតំបន់ Ring of Fire (ខ្សែក្រវាត់ភ្លើងប៉ាស៊ីហ្វិក) ដែលជាតំបន់សម្បូរទៅដោយការរញ្ជួយដី និងភ្នំភ្លើងសកម្ម (ដូចជាប្រទេសឥណ្ឌូនេស៊ី ហ្វីលីពីន និងជប៉ុន)។

• លទ្ធផល៖ កម្ពុជាកម្រមានគ្រោះរញ្ជួយដីខ្លាំងក្លា ឬការផ្ទុះភ្នំភ្លើងណាស់។

២. មានរបាំងការពារខ្យល់ព្យុះតាមធម្មជាតិ

ប្រទេសកម្ពុជាកម្ររងការវាយប្រហារដោយព្យុះទីហ្វុង (Typhoon) ដោយផ្ទាល់ណាស់ ដោយសារកត្តាពីរយ៉ាង៖

• ប្រទេសវៀតណាមជាខែល៖ ភាគច្រើននៃព្យុះដែលមកពីសមុទ្រចិនខាងត្បូង តែងតែបោកបក់ទៅលើឆ្នេរសមុទ្រប្រទេសវៀតណាម និងជួរភ្នំអាណ្ណាម (Annamite Range) ជាមុនសិន។ ជួរភ្នំនេះបានជួយបំបែកកម្លាំងខ្យល់ព្យុះឱ្យថមថយឥទ្ធិពលយ៉ាងខ្លាំង មុនពេលវាធ្វើដំណើរមកដល់កម្ពុជា។

• ជួរភ្នំក្រវាញ និងដងរែក៖ នៅផ្ទៃក្នុងប្រទេស សណ្ឋានដីដែលមានជួរភ្នំក្រវាញ (នៅភាគនិរតី) និងជួរភ្នំដងរែក (នៅភាគខាងជើង) ក៏ជួយជាជញ្ជាំងទប់ខ្យល់ខ្លាំងផងដែរ។

៣. បឹងទន្លេសាបជា "អាងស្តុកទឹក" ធម្មជាតិ (The Natural Buffer)

សណ្ឋានដីកម្ពុជាមានរាងដូច "បាតខ្ទះ" ដោយមានតំបន់ទំនាបនៅកណ្តាល។

• ការគ្រប់គ្រងទឹកជំនន់៖ បឹងទន្លេសាបមានប្រព័ន្ធ "ដកដង្ហើម" ពិសេស។ នៅរដូវវស្សា ពេលទឹកទន្លេមេគង្គឡើងខ្លាំង ទឹកនឹងហូរចាក់ចូលទៅក្នុងបឹងទន្លេសាប ធ្វើឱ្យបឹងរីកធំ។ នេះជួយកាត់បន្ថយការលិចលង់ធ្ងន់ធ្ងរនៅតំបន់ក្រោមបឹង (ដូចជាភ្នំពេញ និងតំបន់កោះធំ)។

• រដូវប្រាំង៖ ទឹកពីបឹងទន្លេសាបនឹងហូរត្រឡប់មកទន្លេមេគង្គវិញ ដែលជួយរក្សាលំហូរទឹកសម្រាប់ការប្រើប្រាស់។

៤. សណ្ឋានឆ្នេរសមុទ្រក្នុង "ឈូង"

• ការពារពីស៊ូណាមិ (Tsunami)៖ ឆ្នេរសមុទ្រកម្ពុជាស្ថិតនៅតំបន់ទឹករាក់ និងមានលក្ខណៈបិទជិតបន្តិច បើធៀបនឹងមហាសមុទ្រ។ ទីតាំងនេះធ្វើឱ្យកម្ពុជាមានសុវត្ថិភាពខ្ពស់ពីរលកយក្សស៊ូណាមិ បើធៀបនឹងឆ្នេរដែលបែរមុខទៅរកមហាសមុទ្រឥណ្ឌា ឬប៉ាស៊ីហ្វិកដោយផ្ទាល់។

* ចំណុចដែលត្រូវប្រុងប្រយ័ត្ន

ទោះបីជាផែនទីផ្តល់ការការពារបានច្រើនក៏ដោយ ក៏កម្ពុជានៅតែប្រឈមមុខនឹងបញ្ហាមួយចំនួនដែលមិនមែនមកពីទីតាំង តែមកពីអាកាសធាតុ (Climate Change)៖

1. ទឹកជំនន់ដោយសារទឹកភ្លៀង៖ ទោះបីបាំងខ្យល់ព្យុះបាន ប៉ុន្តែភ្លៀងដែលមកជាមួយព្យុះនៅតែអាចបង្កជាទឹកជំនន់បាន។

2. គ្រោះរាំងស្ងួត៖ ការប្រែប្រួលអាកាសធាតុធ្វើឱ្យរបបនៃការធ្លាក់ភ្លៀងមិនទៀងទាត់។

* ភូមិសាស្ត្រកម្ពុជាប្រៀបដូចជា "បន្ទាយធម្មជាតិ" ដែលមានប្រទេសជិតខាង និងជួរភ្នំជាកំពែងការពារខ្យល់ព្យុះ មានដីមានស្ថិរភាពការពារការរញ្ជួយ និងមានបឹងទន្លេសាបជាអាងរំដោះទឹក។

អានអត្ថបទពេញ

Wednesday, July 4, 2018

មនុស្សម្នាទូទៅមិនទាន់ដឹងទេថា មនុស្សមិនមែនជាឆ្កែ

2:29 PM Vann Kh News

មនុស្សម្នាទូទៅមិនទាន់ដឹងទេថា មនុស្សមិនមែនជាឆ្កែ

អានអត្ថបទពេញ

គណបក្សបានរចនា Profile & Cover Facebook ដូចខាងក្រោម ដើម្បីឲ្យសមាជិក និងអ្នកគាំទ្រធ្វើការដាក់តាំងបង្ហាញនៅលើបណ្ដាញសង្គម Facebook ផ្ទាល់ខ្លួន

2:24 PM Vann Kh News

គណបក្សសម្ព័ន្ធដើម្បីប្រជាធិបតេយ្យ បានដាក់បញ្ជីបេក្ខជនតំណាងរាស្ត្រ២៥មណ្ឌលនៅទូទាំងប្រទេស ដើម្បីចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៦ ដែលនឹងប្រព្រឹត្តទៅ នាថ្ងៃទី២៩ ខែកក្កដា ឆ្នាំ២០១៨។ ដូច្នេះដើម្បីចូលរួមជំរុញការផ្សព្វផ្សាយលេខរៀង និងរូបសញ្ញាគណបក្សនៅលើសន្លឹកឆ្នោតទៅដល់សមាជិក និងអ្នកគាំទ្រនៅគ្រប់ទីកន្លែង គណបក្សបានរចនា Profile & Cover Facebook ដូចខាងក្រោម ដើម្បីឲ្យសមាជិក និងអ្នកគាំទ្រធ្វើការដាក់តាំងបង្ហាញនៅលើបណ្ដាញសង្គម Facebook ផ្ទាល់ខ្លួនចាប់ពីពេលនេះ៕

អានអត្ថបទពេញ

៣០-មិថុនា-២០១៨ / លោកឆឺយ ប៊ុនធឿន អគ្គលេខាធិការរងគណបក្ស៖

2:21 PM Vann Kh News

៣០-មិថុនា-២០១៨ / លោកឆឺយ ប៊ុនធឿន អគ្គលេខាធិការរងគណបក្ស៖
-------------------------------

បញ្ហាមិនមែននៅត្រង់ប្រជាពលរដ្ឋខ្មែរល្ងង់មិនចេះគូសសញ្ញាធិក

✅ នៅក្នុងប្រអប់បួនជ្រុងទ្រវែងតូចទេ។ បើត្រឹមបញ្ហានេះមែន យើងអាចដោះស្រាយបានយ៉ាងងាយតាមរយៈតួនាទីរបស់អនុប្រធានការិយាល័យបោះឆ្នោតដែលត្រូវណែនាំគ្រប់អ្នកបោះឆ្នោតអំពីរបៀបនៃការគូសសន្លឹកឆ្នោតអោយបានត្រឹមត្រូវ។ អោយតែអនុប្រធានណែនាំក្នុងទម្រង់នេះ ហើយ គជប រួមទាំងភាគីពាក់ព័ន្ធសំរុកនាំគ្នាផ្សព្វផ្សាយអំពីរបៀបគូសតាមស្តង់ដាររួមតែមួយគត់គឺគូសសញ្ញាធិក

✅ច្បាស់ណាស់ថា លទ្ធផលចេញមកគឺសញ្ញាធិក

✅ គ្រប់ៗតែសន្លឹកឆ្នោតហ្នឹង។ តែបញ្ហានៅត្រង់ថា គេបានដាក់ម៉ូគ្នារួចស្រេចទៅហើយ គេបានចំណេញពីការដាក់ម៉ូបែបនេះច្រើនអាណត្តិរួចមកហើយ ដែលការដាក់ម៉ូនេះ កើតចេញពីការទិញលក់សន្លឹកឆ្នោត សម្លុតបំភ័យ គំរាមកំហែង ឬកៀបសង្កត់តាមរូបភាពណាមួយពីក្រុមណាមួយទេតើ ដែលជាហេតុពិតប្រាកដនោះ។ ហើយបើការបោះឆ្នោតមួយដែលទុកឱកាស បង្កឱកាសអោយ មនុស្សមួយក្រុមណានោះអាចទិញលក់សន្លឹកឆ្នោត អាចសម្លុតបំភ័យ អាចគំរាមកំហែង អាចកៀបសង្កត់អ្នកបោះឆ្នោតតាមរូបភាពណាមួយបែបហ្នឹង តើការបោះឆ្នោតបែបនេះ មានភាពសម្ងាត់អីទៀត? មិនបាយឡុកបាយឡ ហើយ? ចាយលុយអស់រាប់សិបលានដុល្លា ហើយមើលរបៀបនៃការធ្វើការ របស់ គជប ដែលជាស្ថាប័នរបស់ជាតិមួយមើល៍ ដូចកូនក្មេងទើបរៀនធ្វើការ៕

អានអត្ថបទពេញ

០៣-កក្កដា-២០១៨ / បទសម្ភាសរវាង លោកខឹម វាសនា និង លោក មណ្ឌល កែវ

2:19 PM Vann Kh News

០៣-កក្កដា-២០១៨ / បទសម្ភាសរវាង លោកខឹម វាសនា និង លោក មណ្ឌល កែវ
---------------------------------
កាលពីព្រឹកមិញ លោក មណ្ឌល កែវ ប្រធានព័ត៌មានប្រចាំទូរទស្សន៍អាសុីអាគ្នេយ៍ បានសម្ភាសន៍លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ ស្ថិតនៅទីស្នាក់ការកណ្តាល គណបក្សសម្ពន័្ធដើម្បីប្រជាធិបតេយ្យប្រចាំក្រុងភ្នំពេញ ។
ប្រធានបទ : គោលជំហរគណបក្សសម្ពន័្ធដើម្បីប្រជាធិបតេយ្យក្នុងការចូលរួមបោះឆ្នោតថ្នាក់ជាតិនាថ្ងៃ ២៩/កក្កដា/២០១៨ ខាងមុខនេះ ។

អានអត្ថបទពេញ

សេចក្តីជូនដំណឹង ស្តីពី ការហែក្បួនឃោសនាបោះឆ្នោត របស់គណបក្សសម្ព័ន្ធដើម្បីប្រជាធិបតេយ្យ

2:03 PM Vann Kh News

សេចក្តីជូនដំណឹង ស្តីពី ការហែក្បួនឃោសនាបោះឆ្នោត របស់គណបក្សសម្ព័ន្ធដើម្បីប្រជាធិបតេយ្យ នៅរាជធានីភ្នំពេញ និងខេត្តព្រៃវែង ភ្នំពេញ៖ ថ្ងៃសៅរ៍ ០៧ កក្កដា ២០១៨ ព្រៃវែង៖ ថ្ងៃអាទិត្យ ០៨ កក្កដា ២០១៨

អានអត្ថបទពេញ

Sunday, December 27, 2015

ផ្សាយផ្ទាល់ [២០១៥-១២-១៨] វិទ្យុ FM105MHz រាជធានីភ្នំពេញ (ប្រមុខបក្ស)

1:14 AM Vann Sak

ស្តាប់សារសំទ្បេង | ទាញយកសារសំទ្បេង
ផ្សាយបន្តផ្ទាល់តាមរយៈវិទ្យុ FM105MHz រាជធានីភ្នំពេញ នាថ្ងៃសុក្រ ទី១៨ ខែធ្នូ ឆ្នាំ២០១៥ វាគ្មិន លោក ខឹម វាសនា

អានអត្ថបទពេញ

ចាក់ផ្សាយ[២០១៥-១២-២៤] វេទិកានា[២០១៤-១២-២១] ឃុំបារាយណ៍ ស្រុកស្រីសន្ធរ ខេត្តកំពង់ចាម ភាគ ២

1:13 AM Vann Sak

ស្តាប់សារសំទ្បេង | ទាញយកសារសំទ្បេង
វេទិកាជួបជាមួយសមាជិកនិងអ្នកគាំទ្ររបស់គណបក្សសម្ព័ន្ធដើម្បីប្រជាធិបតេយ្យដែលប្រារព្ធធ្វើ នៅវត្តបារាយណ៍ព្រះជីធំ ឃុំបារាយណ៍ ស្រុកស្រីសន្ធរ ខេត្តកំពង់ចាម។

អានអត្ថបទពេញ

ចាក់ផ្សាយ[២០១៥-១២-២៣] វេទិកានា[២០១៤-១២-២១] ឃុំបារាយណ៍ ស្រុកស្រីសន្ធរ ខេត្តកំពង់ចាម ភាគ ១

1:11 AM Vann Sak

ស្តាប់សារសំទ្បេង | ទាញយកសារសំទ្បេង
វេទិកាជួបជាមួយសមាជិកនិងអ្នកគាំទ្ររបស់គណបក្សសម្ព័ន្ធដើម្បីប្រជាធិបតេយ្យដែលប្រារព្ធធ្វើ នៅវត្តបារាយណ៍ព្រះជីធំ ឃុំបារាយណ៍ ស្រុកស្រីសន្ធរ ខេត្តកំពង់ចាម។

អានអត្ថបទពេញ

Wednesday, July 23, 2014

កាលវិភាគវេទិកា ក្នុងខែកក្កដា ឆ្នាំ២០១៤

9:51 PM Vann Sak

សេចក្តីជូនដំណឹង
គណ បក្សសម្ព័ន្ធដើម្បីប្រជាធិបតេយ្យ សូមជម្រាបជូនដំណឹងជូនសមាជិក អ្នកគាំទ្រ និងបងប្អូនប្រជាពលរដ្ឋទាំងអស់ឲ្យ បានជ្រាបថា គណបក្សសម្ព័ន្ធដើម្បីប្រជាធិបតេយ្យ នឹងរៀបចំធ្វើវេទិកាជួបជាមួយសមាជិក និងអ្នកគាំទ្ររបស់គណបក្ស ដែលនឹងប្រារព្ធធ្វើទៅតាមពេលវេលា និងទីកន្លែងដូចខាងក្រោម៖
វេទិកាទី៨៖ ប្រារព្ធធ្វើនៅថ្ងៃអាទិត្យ ទី២៧ ខែកក្កដា ឆ្នាំ២០១៤វេលាម៉ោង ៨:៣០ នាទីព្រឹក ស្ថិតនៅ ផ្ទះលេខ០០៥៨ ភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: ០១៧ ៨៧ ១៨ ១៩,០១០ ៨៧ ១៨ ១៩។ [ថ្មី]

វេទិកាទី៧៖ ប្រារព្ធធ្វើ នៅថ្ងៃសៅរិ៍ ទី២៦ ខែកក្កដា ឆ្នាំ២០១៤ វេលាម៉ោង ៨:៣០ នាទីព្រឹក ដែលនឹងប្រារព្ធធ្វើនៅទីស្នាក់ការគណបក្សសម្ព័ន្ធដើម្បីប្រជាធិបតេយ្យ ប្រចាំខេត្តបាត់ដំបង ស្ថិតនៅភូមិបេង ឃុំអន្លង់វិល ស្រុកសង្កែ ខេត្តបាត់ដំបង់។ (ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយះទូរស័ព្ទលេខ: ០៩២ ៥៣ ២០០៣ / ០៩៣ ៧០ ៥៦ ៥៦[ថ្មី]
វេទិកាទី៦៖ ប្រារព្ធធ្វើនៅថ្ងៃសុក្រ ទី២៥ ខែកក្កដា ឆ្នាំ២០១៤ វេលាម៉ោង ១:៣០ នាទីរសៀល ស្ថិតនៅ ស្ថិតភូមិផ្តាច់ព្រាត់ ឃុំបវេល ស្រុកបវេល ខេត្តបន្ទាយបាត់តំបង។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: 012 36 16 26 / 098 36 16 26។ [ថ្មី]

វេទិកាទី៥៖ ប្រារព្ធធ្វើនៅថ្ងៃអាទិត្យ ទី២០ ខែកក្កដា ឆ្នាំ២០១៤វេលាម៉ោង ៨:៣០ នាទីព្រឹក ស្ថិតនៅផ្ទះលោក និវ ស៊ីណោយ ស្ថិតភូមិពន្លៃថ្មី ឃុំទ្រាស ស្រុកស្វាយចេក ខេត្តបន្ទាយមានជ័យ។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: 092 32 40 49 / 098 98 07 11។ [ចប់]

វេទិកាទី៤៖ ប្រារព្ធធ្វើនៅថ្ងៃសៅរិ៍ ទី១៩ ខែកក្កដា ឆ្នាំ២០១៤ វេលាម៉ោង ៨:៣០ នាទីព្រឹក ស្ថិតនៅផ្ទះ លោក យឿត ស្ថិតភូមិរការ ឃុំដូនពែង ស្រុកអង្គរជុំ ខេត្តសៀមរាប។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: 096 551 75 79 / 017 87 18 19 ។ [ចប់]

វេទិកាទី៣៖ ប្រារព្ធធ្វើនៅថ្ងៃអាទិត្យ ទី១៣ ខែកក្កដា ឆ្នាំ២០១៤វេលាម៉ោង ៨:៣០ នាទីព្រឹក ស្ថិតនៅផ្ទះលោក សែ បូរា ស្ថិតក្នុងភូមិឈូក ឃុំសន្លុង ស្រុកខ្សាច់កណ្តាល ខេត្តកណ្តាល។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: 096 96 99 199 / 097 23 40 669 ។ [ចប់]

វេទិកាទី២៖ ប្រារព្ធធ្វើនៅថ្ងៃសៅរិ៍ ទី១២ ខែកក្កដា ឆ្នាំ២០១៤ វេលាម៉ោង ៨:៣០ នាទីព្រឹក ស្ថិតនៅទីស្នាក់ការគណបក្សប្រចាំខេត្តកំពង់ឆ្នាំង ស្ថិតក្នុងភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។(ទាញយក)

សម្រាប់ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរសព្ទលេខ: 015 67 44 / 090 44 67 44។ [ចប់]

វេទិកាទី១៖ ប្រារព្ធធ្វើនៅថ្ងៃអាទិត្យ ទី០៦ ខែកក្កដា ឆ្នាំ ២០១៤ វេលាម៉ោង ៨:៣០ នាទីព្រឹក ស្ថិតនៅទីស្នាក់ការកណ្តាល ផ្ទះលេខ ១០៨B2 ផ្លូវ ៣១៥ សង្កាត់បឹងកក់ពីរ ខណ្ឌទួលគោក រាជធានីភ្នំពេញ (ទាញយក)

សម្រាប់ ព័ត៌មានលំអិតបងប្អូនប្រជាពលរដ្ឋអាចទាក់ទងតាមរយៈទូរ ស័ព្ទលេខ៖ ០១០ ៥៣ ២០០៣, ០១១ ៥៣ ២០០៣, ០១២ ៥៣ ២០០៣, ០១៣ ៥៣ ២០០៣, ០១៥ ៥៣ ២០០៣, ០៩០ ៥៣ ២០០៣, ០១២ ៣៦ ៣៦ ២២ (ព័ត៌មានបន្ថែម)។ [ចប់]

សូមបញ្ជាក់ថាលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នឹងចូលរួមជាវាគ្មិនក្នុងវេទិកានេះ។
អាស្រ័យ ដូចបានជម្រាបជូនខាងលើ បងប្អូនប្រជាពលរដ្ឋ អាចចូលរួមស្តាប់ បញ្ចេញមតិយោបល់ ឬសាកសួរដេញដោល ទៅកាន់លោកវាគ្មិន ក្នុងវេទិកានេះដោយសេរី ឬតាមរយះកម្មវិធីPaltalkក្នុងបន្ទប់ Koun Khmer។ សូមអរគុណ!